Chino, Hernán Senraren (Buenos Aires, 1980) alter egoa da, 2001etik Bartzelonan bizi den artista polifazetikoa, musikari bakarlari, konpositore, moldatzaile eta “showman” lanak egiten dituena. Gitarra jotzaile nabarmena da, batez ere barietate erresofonikoarekin eta “slide” estiloa aplikatuta, bere ikuskizunetan publikoa dardararazteko eta inoiz oharkabean ez pasatzeko erraztasuna du. Chinok bluesa eta swinga estilo desberdinak fusionatzen ditu, hala nola gipsyarekin, jazzarekin, tangoarekin, boleroarekin, flamenkoarekin edo Hego Amerikako folklorearekin, Europako eta Amerikako areto eta jaialdietan arrakasta handiz aritu da.
Bere hirukotearekin batera, 2013ko European Blues Challengean bigarren saria lortu zuen, Espainia ordezkatuz. Azken urteetan Down Home, Shine, The Acoustic Blues Company, Chino & The Big Bet eta Chino & The Sharps bezalako taldeen buru izan da. Bartzelonako Blues Eskolako sortzaileetako bat, irakaslea eta ikasketa-burua izan da, eta 2005etik Bartzelonako Harlem Jazz Clubeko Blues Jam Session-ean asteartero jotzen du. Chino Swingslide Triok oso show berezia bermatuko du Bilbao Blues Festival jaialdian.