Bilbao Blues Festival aukera paregabea izango da The Fabulous Thunderbirds taldearen zaleentzat, aurten Espainian igoko diren agertoki bakarra izango baita. Bere lider karismatikoa, Kim Wilson abeslari eta harmonizista, izango da buru, eta hirugarren edizioko saria jasoko du.
Historian eragin handia izan duen blues rock talde amerikar baten jatorria ezagutzeko, 1974ra jo behar dugu, Wilson Texasen Jimmy Vaughan gitarrista talentudunarekin batu zenean proiektuari forma emateko.
The Fabulous Thunderbirds taldeak gero eta ospe handiagoa hartu zuen Estatu Batuetan, zuzeneko emanaldiengatik, eta 1979an bere lehen disko autoekoitzia argitaratu zuen. Wilson eta Vaughan Los Angelesen kokatu ziren, eta bertan finkatu zuten beren proposamenaren estiloa: Texasko bluesean eta Kaliforniako kostaldeko country estiloan ainguratutako rhythm and bluesa.
Hurrengo lanetan rock ‘n roll, soul eta cajun estiloei lekua egin zieten. 1986an, arrakasta komertzialik handiena lortu zuten “Tuff Enuff” albumarekin. Jimmy Vaughanek taldea utzi zuen 1989an “Family Style” diskoa grabatzeko bere anaia Stevie Rayrekin batera, baina Kim Wilsonek jarraipena eman zion taldeari soinu berriak gehituz eta garaikideagoak bihurtuz. “T-Birdsek blues jaialdietan zein rock aretoetan jo dezakegu. Talde dibertsifikatua gara orain eta denak orrialde berean daude “, esan du Wilsonek.
The Fabulous Thunderbirds Estatu Batuetan eta Europan zehar aritzen da aldizka, eta Rolling Stones eta Eric Clapton izan ditu lagun biretan. Egungo taldea Johnny Moeller (gitarra), Bob Welsh (pianoa/gitarra), Rudy Albin (bateria) eta Steve Kirsty (baxua) musikariek osatzen dute.
Kim Wilson, kondaira-frontmana
Kim Wilson handiak (Detroit, 1951), taldearen jatorrizko kide bakarrak, III. Bilbao Blues Festival saria jasoko du bere ibilbideagatik. Abeslaria eta harmonikako bertutetsua, 17 urterekin hasi zen instrumentua jotzen, Little Walter, George “Harmonica” Smith, Lazy Lester edo James Cotton bezalako maisuen eraginpean.
Arrazako bokalista eta frontman nekaezina, Wilsonek gidatu du The Fabulous Thunderbirdsen ibilbidea, bluesaren, rhythm and bluesaren eta rock-and-rollaren soinuei leial eta urteetan zehar eboluzionatzen jakinda. Muddy Waters bezalako figurek bere talentu handia aitortu dute, “Little Walkerren ondoren izan den harmonizistarik onena” dela esanez. 2016an sari bat jaso zuen Blues Music Awards sarietan, “Instrumentalista-Harmonica” kategorian. Grammy sarietarako ere bost aldiz izendatu dute. Detroitekoak 300 kontzertu inguru ematen jarraitzen du urtero, mundu osoko blues musika jaialdi eta klubetan, bai Fabolous Thunderbids taldeko lider gisa, bai Blues Allstars taldearekin.